Kupalaran

Homework ko 'to para sa klase ni Sir Atalia. Pinagawa niya kami ng horoscope para malaman niya kung pwede na raw kaming manloko ng mga taong nagbabasa ng tabloid. Hehe!

Syempre, bago ako nagsulat ng sarili kong horoscope, pinag-aralan ko muna ang pag-iinterpret ng mga posisyon ng mga planeta, mga bituin at kung anu-ano pang heavenly bodies para masigurado kong accurate ang king mga readings.

Heto na ang inyong mga kupalaran para sa araw na 'to--o kung anong araw mo man mababasa 'to:

Aquarius

Isang mahal sa buhay ang hihingi sa iyo ng tulong para pambili ng gamot para sa kanyang sakit sa puso. Gulatin muna siya o pakainin ng isang kilong Lapid's chicharon upang makasigurado kung may sakit nga siya sa puso, o rumaraket lang.

Pisces

Mananalo ka ng isang all-expense-paid trip for two sa El Nido, Palawan courtesy of Sulpicio Lines.

Aries

Mag-ingat sa roommate na emo. Huwag na huwag magbibitiw ng mga pangit na komento patungkol sa My Chemical Romance at sa disipulo nila na Chicosci (Cheeko-skeeh) kung ayaw masaksak sa leeg ng bagong tasa na eyeliner.

Taurus

Sawa na ang mga estudyante mo sa kropek at nilagang mani na itinitinda mo sa classroom.

Gemini

Makakasalubong mo sa isang mall ang iniidolo mong bokalista ng isang sikat na banda. Clue: Sa letrang J nagsisimula ang pangalan ng bokalista, at letter sa letrang C naman ang pangalan ng banda.

Lagi na lang umuulan....

Cancer

Hindi Viagra ang solusyon sa iyong suliranin. Kumuha ng itim na sako at isaklob sa ulo ng katalik.

Leo

Ang pagkatalo ni Federer sa final ng Wimbledon nung Linggo ay 'di nangangahulugang katapusan na ng mundo. Iwasang tumitig sa mga bagay gaya ng labaha, martilyo, sleeping pills at panis na spaghetti. Iwasan ring manakit ng mga batang naglalaro ng jolens at ng mga galang kuting sa 'yong daan pauwi. I-channel na lamang 'yong lakas sa mga bagay na mas mahalaga kaysa sa tennis gaya ng pagtulong sa gawaing bahay, pag-aaral at pagdarasal ng orasyon sa wikang Hebrew.

Virgo

Huwag malungkot kung pakiramdam mo ay hindi ka nababagay o masaya sa kursong kinukuha mo ngayon. Malalaman mong hindi lang ikaw ang may ganitong problema kapag nagtatrabaho ka na sa isang call center.

Libra

Lolooban ng isang holdapper ang iyong sasakyang jeep habang ikaw ay pauwi ng San Mateo mamayang alas-onse ng gabi. Huwag mag-panic. Kuya mo lang 'yan -- nag-o-over time para may pambaon ka bukas.

Scorpio

Isang ‘di inaasahang pangyayari ang magpapalungkot sa’yo ngayong araw. Bukod pa ‘to sa gagawing pagtatapat ng syota mo na meron siyang AIDS.

Capricorn

Matutuklasan mong nawawala ang iyong G-string na kulay dilaw. Sayang at 'yon pa naman ang request sa'yo ng kalaguyo mong si Berto na suotin para sa inyong date mamaya.

Sagitarrius

Hinahanap na ng iyong amo ang kanyang dilaw na G-string na siya mong ipinuslit para sa date niyo ng hardinero ni Mrs. Lomeda na si Berto. Isauli na ito sa lalong madaling panahon kung ang pagbalik sa ahensya ng 'di oras ay wala sa iyong mga plano.

Keh Shipp Sekkya!

Kaninang umaga habang naglalakad ako papunta sa sakayan ng jeep, e natawa ako nang napansin kong may kaguluhan na nangyayari sa tapat ng maliit na talipapa ni Aling Beybi. Siyempre, dahil nagmana ko sa aking nanay ng pagiging usisero, e lumapit ako para makita ko kung ano ba ang pinagkakaguluhan ng isang lupon ng mga nanay at mga matatandang dalaga na dapat ay nasa kani-kanilang bahay na at nagluluto na nang pananghalian.

Paglapit ko, napag-alaman ko na ang sanhi ng kaguluhan ay isang maputing babae na pilit kinakausap ng mga suki ni Aling Beybi. Tinignan ko ng maigi ang babae--maputi, walang tupi ang talukap ng mga mata, may 'Jolina' bangs at naka pulang sweater sa ilalim ng nagngangalit na sikat ng araw.

Puta, bakit may Koreana dito sa barangay namin?

Wala naman akong natatandaang English school sa lugar namin. O baka naman meron na dahil hindi naman pwedeng dumayo siya sa amin para lang bumili ng atay ng manok kay Aling Beybi.

Naisip ko na baka naman nakapangasawa ng Koreano ang anak ni Aling Beybi sa abroad at ngayo'y dinadalaw siya. Pero imposible 'yun dahil kakulay ng nagtutong na kanin ang balat ng pamilya nina Aling Beybi. Bukod pa diyan, e kasinglaki ng gulong ng ten-wheeler ang mga mata nila. Kaya kahit makapangasawa ng Koreano ang anak niya, e hindi pwedeng hindi mahawahan ng alkitran ang magiging anak nila.

Nang napansin kong medyo nalilibang ako sa pagbuo ng mga kung anu-anong conspiracy theory tungkol sa misteryosang Koreanang 'yun, e umalis na ako dahil male-late na ako para internship ko. Pero bago pa man ako makalayo, isa sa mga usi ang biglang sumigaw...

"Naku, andyan pala ang anak ni Nene! Naku, magaling mag-English 'yan! Journalism ang kinukuha niyan! Halika muna dito, kausapin mo muna 'tong Koreanang 'to. Naligaw yata!"

Tsk, tsk, sigurado akong nanay ko punong salirin. Pinagyabang siguro na magaling akong mag-English. Tae, mabuti sana kung totoo. E ang kaso, hindi ako makapagsalita ng English ng hindi nagkakabuhul-buhol ang dila e. Paano ako magiging weather man ng CNN niyan?

Gusto kong kumaripas ng takbo palayo nung mga panahong 'yun pero tangina, nagtaksil ang mga paa ko at dinala ako papalapit dun sa Koreana. Pero nanaig pa rin ang aking pagiging matulungin sa kapwa. Hehe. Punyeta, bigla akong kinabahan napasabak ako e. Pero naisip ko na bakit nga ba ako ang kinakabahan e ako 'tong kahit papaano, e marunong magsalita ng English.

Ako: Where-are-you-going-to?

Koreana: To mansion. Meeting someone.

Aba, marunong na naman pala e! Pinutol-putol ko pa yung salita ko. Ako tuloy ang nagmukhang tanga. Bakit kaya karamihan ng mga Pilipinong nakikita ko, (dinamay lahat ng Pilipino e no) kapag may kausap na di marunong mag-English, e bigla silang nahahawa (gaya ko)?

Bigla na lang nagiging maximum of three words per sentence ang mga sinasabi niya. Gaya ng 'Where you go' 'Food taste good' 'Building, so tall' 'I eat later' 'I very horny' Pagkatapos, sasamahan pa 'yan ng mga pagturo kung saan-saan at paga-acting ng mga words na sinasabi nila. Kulang na lang maglaro ng charades.

Paano nga pala 'yung action ng horny?

Pero teka, ano nga pala 'yung mansion? Ang alam ko e ang mansion e ibang tawag rin para sa mga apartment o condominium? Kung ganun, good luck na lang dahil ang dami-dami nun. Unless willing siya mag-trial and error.

Napagdesisyunan kong umalis na lang dahil baka lalo lang gumulo ang mga pangyayari. Bahala na siya. Hindi naman siya si Song Hye-kyo para pagtiyagaan.

Ako: I don't think I can help you. Try calling up your friend. Sorry, I have to go.

Whanepshet! Tatlong sentences 'yun nang hindi nabubulol! Pwede na siguro akong magturo ng English.

Tsk, tsk, bakit nga ba hindi ko naisipang mag-offer sa kanya ng lessons? Sayang din 'yun pandagdag-ipon din 'yun para makabili ako ng PS3

Keh Shipp Sekkya!

PS: Mukha namang nakaalis na 'yung Koreana dahil wala na siya nung pag-uwi ko kanina.

Makipag-chat kay Rosa Macamay

Kapag nakakita ang Pinoy ng isang computer na may internet connection, hindi pupuwedeng hindi siya mag-log in sa YM at makipag-chat kahit ang taong gusto niyang kausapin ay nasa tabi lang niya. Wala lang. Masabi lang na nakikipag-chat siya.

Alam kong guilty kayo. 'Di bale, pare-parehas lang tayo. Hehe.

Talaga namang bahagi na ng ating kultura ang pakikipag-chat (gawa-gawa ko lang 'to). Kahit sino marunong nang mag-chat. Magugulat ka na lang na mas marami pang online friends kaysa sa'yo ang katulong o yaya mo. Magugulat ka na lang na isang araw, makikipag-EB ang nanay mo sa food court ng SM Megamall--malapit sa skating rink.

Pero kung may isang aspeto ng ating buhay ang naapektuhan ng lubusan ng internet chatting, ito ay ang sex pag-ibig.

Yihee!

Isipin mo na lang kung gaano karaming kalalakihan na laging basted sa totoong buhay ang nagkaroon ng sandamakmak na online girlfriends gaya nina "hORnyBiTCh" at "sWeeT_titZ."

Isipin mo na lang kung gaano karaming sawi sa pag-ibig ng napaligaya ng simpleng "Poli, 19, M, Pasig" at "Yolanda, 52, F, Garden of Eden."

At higit sa lahat, isipin mo na lang kung gaano karaming Pinoy at Pinay ang naiahon ang sariling mga pamilya sa kahirapan pagkatapos makapangasawa ng isang matandang foreigndyer.

Talagang napaka-tempting. Kaya ang iba ay gagawin ang lahat para lang maka-attract lang ng mabibiktima. Andyan ang pagpapakita ng katawan at ang maseselang bahagi nito (siyempre hindi kasama ang mukha...mahirap na), ang paggamit ng mga malalaswa at pamatay na username at ang paggamit ng profile pic ng bestfriend mo na ninakaw mo pa sa friendster account niya.

Talagang na-inspire ako sa mga tao at pangyayaring ito kaya nuong pinagawa kami ni Sir Eros Atalia ng tugmaan (para siyang tula pero hindi tula, na kailangang nagtataglay ng rhyme scheme at pantay na dami ng syllables) para sa klase namin sa Retorika, ay ito ang aking napiling paksa.

Iniaalay ko ang tugmaang ito para sa lahat ng mga chatters ng na walang ibang hinangad kungdi ang maghilom ang kanilang mga pusong sugatan at sa mga chatters na gustong lang namang magkaroon ng mas maginhawang buhay. Hehe.

Rosa Macamay

Pumasok sa YM para mag-chat,
Maghahanap lang ng masisipat.
Tanging kailangan ng pusong wasak,
Ngalan at ASL na tunay na swak.

Pinili ko si "Rosa Macamay,"
Mukhang sa kama'y napakahalay
Ako'y bumanat nang walang tangan,
Totoy Mola ang aking pangalan.

Agad lumandi si Rosang kanti,
Kanya raw ipapakita, yaong mani.
Teka lang, sandali. Parang ang bilis,
Ika’y hindi pa nakikitang bihis.

Siya’y nagpadala ng kanyang litrato
Ako nama’y naghintay na parang aso.
Nang aking nakita yaong hitsura,
Putaragis ‘yan, ako’y napamura.

Ang buong akala’y, bebot si Rosa,
Ayun pala ay mukha siyang kakosa.
Ang monitor tinakpan ko ng kumot,
Baka sa pagtulog ako’y mabangungot.

***

Kung Rosa Macamay ang iyong pangalan, peac tayo. Hindi ko sinasadyang gamitin ang pangalan mo. Hehe.